كيف تنجح فى مجالك فى سوق العمل ؟

افضل 10 طرق تستثمر بيهم فى نفسك وتتميز فى مجالك عن اى حد ؟!!

كلنا بنفكر فى المعادلة دى:
ادفع فلوسى فى كورس ولا احتفظ بيهم افضل؟!!!!
استغل وقتى فى مذاكرة حاجة جديدة ولا اشتغل فى الوقت ده واحقق دخل اكبر؟!!
ابذل مجهود فى الحاجة اللى هتجبلى فلوس ولا اللى هتعلم منها؟!!!!

كل قرار بتاخده فى حياتك المهنية هو يعتبر قرار استثمارى هيأثر عليك لفترة طويلة جدددااااااا وهيساعدك فى تحقيق او ضياع اهدافك !!!

اختيارك انك تستثمر اهم 3 موارد عندك صح
"وقتك - مجهودك - فلوسك" هو اللى هيحدد نجاحك من فشلك 

وافضل 10 طرق تستثمر بيهم فى نفسك ومجالك كالاتى 

1- اتعلم حاجة جديدة فى مجالك حتى لو سعرها غالى لانها هتميزك عن اى حد 


2- حاول تكتسب مهارة جديدة مش عندك وشايف انها هتفيدك كتير فى شغلك او حياتك او حتى تصلح نقطة ضعف عندك 

3- حدد لنفسك وقت فى اليوم تلعب فيه اى رياضة بتحبها او ترفه عن نفسك حتى لو لدقائق 

4- دور على مثل اعلى فى مجالك او حياتك وتابعه بأستمرار 

5- اقرأ كتاب جديد ولو كل شهر وفى مجالات مختلفة.

6- تابع كل جديد فى مجالك وبكده هتكون سابق غيرك بكذا خطوة 
من افضل المصادر لمتابعة اخبار مجالك الخدمة دى من لينكدان
7- اتعلم لغة جديدة ومارسها بأستمرار وده ممكن تعمله اونلاين 

8- اتعرف على ناس جديدة فى مجالك واتواصل معاهم دايما حتى لو اونلاين 

9- اعمل Update لكل حساباتك اونلاين وخصوصا Linkedin وضيف كل حاجة جديدة
عملتها سواء كورس او مهارة اكتسبتها او مشروع اشتغلت عليه 
10 - علم غيرك حاجة من اللى اتعلمتها او بتعرف تعملها حتى لو علمته ازاى يعمل بحث على جوجل او علمتى صحبتك طبخة جديدة 

انت ممكن ميكنش معاك فلوس او عندك وقت او مجهود كافى بس انت ممكن تتميز لو استغليت الموارد القليلة دى فى انك تطور من نفسك 

Career Standout

تصنيف : التسويق الشخصى