ثقافة التعلم من الإنترنت فى السيرة الذاتية

نيجى بقى لحاجه من الحاجات المهمه فى ال C.V.
طبعا أنتوا عارفين أن مؤخرا ظهر حاجه جامده جدا أسمها MOOC اللى هى يعنى Massive open online course.
يعنى الكورسات الأونلاين الموضوع ده طبعا فى ناس اتأثرت بيه جدا وناس فعلا بدأت تتعلم منه كويس أوى. بس بنيجى بقى للجزء المهم اللى هو معظم الناس بتتلغبط فيه ، أزاى أكتب الحاجات دى فى الC.V.

1- بختصار ومن غير كلام كتير كل كورس من دول بيكون فيه شخص بيديه الشخص ده ممكن يكون شخص Influncer فى المجال ده يعنى حد شاطر فيه جدا عن غيره وأسمه معروف زى الراجل ده (Dr. Matt McGarrity)فى الحاله دى تعمل أيه بقى.
- سعتها بتروح كاتب أسم الكورس بخط عريض وجمبيه أسم الشخص لو كان هو شخصيه معروفه فى المجال ده وبعد كده تحطوا (أسم الموقع اللى خدتوا منه الكورس (مش ضرورى أوى)) ، وطبعا جمبيهم التاريخ أو المده بتاعت الكورس.

2- أما بقى لو كان الشخصيه مش معروفه بس الكورس كان مفيد جدا ليك وأنت أتعلمت منه كويس أوى يبقى أكتب كل اللى فات بس من غير ما تحط أسم الشخص.

3- لو واخد الكورس مش من شخص واحد بس ، يعنى وأخده مثلا تبع جامعه واشنطن وكان بيدرسلك كذا شخص. يبقى هنا بقى تحط أسم الكورس وجمبيه أسم الجامعه والمده.

خدوا بالكم أنتوا فى الاول وفى الاخر أى حاجه هتكتبوها فى الC.V أنتوا ذكرتوها أونلاين ده هيدل على أنكم حابين جدا المجال ده وفعلا عايزين تتعلموه صح. أحنا بنقولكم كده لآنكم ممكن تروحوا تحضروا أى أيفنت بره فى أى مكان وتلاقوا واحد بيقلكم ده مش صح أنكم تكتبوا الكورسات الأونلاين فى الC.V بتعكم (بس زى ما كنا قولنالكم قبل كده الC.V ده بيبقى عامل زى المدارس كل واحد بيتكلم فيه من وجهه نظره).
بس أنتوا عندكم وجه نظر وتقدروا تميزوا برضه وأكيد كون أنك تحط حاجه زى دى فى الC.V بتاعك دى حاجه هتميزك جدا عن غيرك وبتدل على أنك شخص عايز تتعلم فعلا وحابب المجال بتاعك. 

اقرء المزيد

التميز فى السيرة الذاتية

معظمنا بيعرف يكتب C.V بس مش كلنا بناخد بالنا من الاخطاء اللى ممكن تخلينا نترفض فى الوظيفه بسبب حاجه صغيره جدا عشان انت مش واخد بالك من الاخطاء دى. وفى الآخر انت بتفتكر ان محدش كلمك عشان انت مش مؤهل للوظيفه وبتفتكر ان فى حاجه ناقصاك. بس ده ممكن يكون خطاء فى السى فى بتاعك انت عملته. وهنتكلم عليهم واحده واحده كالآتى :

1- Photo :
طيب اغلبيتنا بيحط صوره فى السى فى بتاعه وممكن تكون كمان الصوره دى مش مناسبه اساسا عشان تتحط فى السى فى او مش بروفيشنل والصح أنك مينفعش تحط صوره فى السى فى بتاعك غير لما يكون مطلوب منك انك ترفق صوره فى السى فى بتاعك ففى ناس بتحط صورتها مع انه مش مطلوب منهم ده طب ليه انت كده بتسبب لنفسك انك تترفض.

2- بالألوان :
فى ناس بتحب الآلوان والتزويق والكلام ده بس ده مينفعش خالص فى السى فى بتاعك تكتب بالآلوان يعنى ومتفتكرش انك كل ما هتزوق كل ما هتتقبل على طول وأسرع من غيرك يعنى هو انطباع الاتش أر بالظبط أكنه شايف كرساة طفل صغير ماسك ألوان وعمال يلعب وخلاص وبيعمل أى حاجه بلاش حد يحط ألوان خالص فى السى فى.

3- C.V :
فى ناس لغاية دلوقتى بتحط كلمة سى فى. طب انا كواحد HR مش عارف ان دى C.V يعنى لما اشوفها لآن فى ناس من الاتش أر بيعرف كده انك حد مش مهتم اساسا بالسى فى بتاعك وفى ناس تنيه بيحسبوها انك كده ممكن تكون بتقلل من الشركه دى او من الراجل بتاع الاتش أر وده كمان غلط.

4- Contacts :
خلى السى فى بتاعك خالى من الكلمات دى افضل برضه متحطهاش فى الكونتكتس بتعتك (Mobile - Email - address) يعنى أكتب رقمك وأيميلك وعنوانك بس من غير ما تحط الكلمات دى جمبيهم أكتبهم على طول. لآن برضه من الواضح ان هو عارف ده ايه وده أيه فمش من الضرورى انك تفهمه لآن برضه اكنك بتقوله حاجه غلط او بتعرفه انه مش فاهم ده أيه وده أيه.

: UnProfessional E-mail -5
من اكبر الغلطات اللى معظم الناس بتقع فيها يعنى أنت ممكن تكون عامل زى فى كويس جدا جدا وفى الاخر غلطه زى دى كده Loly_Cat@yahoo.com توقعلك كل اللى عملته محدش يحط أيميل بالطريقه دى. ده كده ايميل مش Proيعنى مينفعش تحطه فى السى فى بتاعك خالص. الصح أنه يكون زى كده Ahmed_Ali@yahoo.com مثالا ولو حطيت أرقام مع أسمك مفيش مشكله برضه أهم حاجه أبعد عن الالقاب.

6- التنسيق :
طيب دى بقى من أهم الحاجات اللى لازم تراعيها فى السى فى بتاعك لآن دى من الآخر كده اول حاجه بيبص عليها الآتش أر ولو انت مش منسق الخط مثلا كله بطريقه منظمه وواضحة يبقى خلاص هو مش هياخد وقت اصلا فى أنه يكمل بقيت السى فى فلآزم تكون منسق الخط بتاعك وظابط مقاسات كل حاجه زى التانيه بالظبط وبلاش تنوعوا فى نوع الخط خليه واحد بس كفايه لآن فى خطوط من الصعب انها تتقرى فخليك فى المضمون أفضل ، وتخدوا بالكم من النقط والفواصل اللى بتحطوها وبلاش حد يحط أطار للسى فى خالص.

7- Career Objective :
ودى مشكله عند بعض الناس فى ناس بتجى تكتب بطريقه عامه وخلاص وده غلط ، ومعنى ده انك مش محدد أنت عايز أيه. ومعنى ده أنك كده باعت السى فى بتاعك عشان أنت عايز أى وظيفه والسلام. عشان كده أنت لازم هنا لما تكتب ، تكتب ال Career Obj بتاعك على حسب الوظيفه اللى أنت مقدم عليها لآن هو هيسألك اساسا أيه هو ال Career Obj بتاعك فلازم تكون عارف أنت هتقول أيه كويس .

8- Education :
بشوف ناس كتير هنا بتحط اختصارات زى كلمة Bsc اللى هى بكاليريوس لآ بلاش يكون فيه اختصارات ولما تيجى تحط الدراسه تحط من سنة كذا لكذا وفى كمان غلطه ناس كتير مش بتحط التقدير بتعها لو كان عالى وده غلط حط التقدير بتاعك لو كان عالى من أول جيد مثلا لآن ده هيعليك عن غيرك وهيميزك عنهم.

9- Experience :
طيب هنا معظم الناس يأما بتكتب انا اشتغلت فى الشركه دى من كذا لكذا وخلاص يأما بقى فى ناس بتكون عايزه تملى السى فى بتعها بتروح عامله كالاتى تروح كتبه الشركه بتعتها ومن كذا لكذا وتروح حاطه الوصف الوظيفى بتاع الشغل انا فى الشغل ده مسئولياتى كانت ده وده. وده غلط طب الصح انك تكتب حاجه انت عملتها فى الشركه دى ميزتك عن غيرك فى نفس الشغلانه او حاجه انت ضفتها للشركه بينتك فيها عن غيرك.

10- Skills :
طيب هنا معظم الناس بيحطوا مهاراتهم فى الكمبيوتر ومهاراتهم الشخصيه الحاجات الرئيسيه بس. طب فى حاجه انت ممكن تضفها هتبقى حلوه اوى انك بدل ما تحط مهارات عندك فى الكمبيوترعامه لآ حطله مهارات عندك هتخليك تحقق حاجات فى الوظيفه بتعتك أسرع من أى حد تانى ممكن يكون مش بيستخدموه خالص وفى المهارات الشخصيه متقولوش المعروف اللى هو ده انا بتاع شغل - ومرن والحاجات دى لآ قله مهارات فيك تكون متصله بالوظيفه وبتخليك مناسب ليها أكتر من أى حد تانى.

11- Student Activites :
فى ناس بتبقى مشتركه فى أنشطه قبل كده ومبتذكرش ده خالص وكمان الآنشطه دى أنشطه متصله بالوظيفه اللى هما مقدمين عليه وهتساعدهم فى التميز عن غيرهم وده هيدل على أنهم بيحبوا المجال ده وأشتغلوا فيه قبل كده فى التطوع فلو أشتركت فى أى انشطه قبل كده حطه هتفيدك جدا فى الانترفيو وهتميزك وخصوصا لو كان ليها علاقه بالوظيفه اللى أنت مقدم عليها.

12- أكتر من صفحتين :
ودى حاجه مفهومها غلط عندنا أحنا معظمنا بيفتكر أنه لما يجى يعمل السى فى بتاعه كل ما كان كبير كل ما أنا هتقبل وهتخطف خطف كده. بس الحقيقه أن الراجل بتاع ال HR معندوش وقت يقرأ ده كله. حط نفسك مكانه عندك 1000 سى فى لو جالك كل سى فى 3 أو 4 صفح هتقرأ ده كله أكيد لأ ، عشان كده خلى السى فى بتاعك صفحتين حتى لو هو اساسا 4 صفح ، وخد بالك التميز أنك تظهر 4 صفح فى صفحتين بس. يعنى حاول تظهر ميزاتك كلها أو تظهر أفضل ميزات هتميزك عن اللى مقدمين معاك وهتخليك أنت تتقبل عنهم.

اقرء المزيد

لينكدإن لتتميز فى سوق العمل فتجنب هذه الأخطاء

من أكتر الحاجات اللى ممكن تضيعلك الBrand بتاعك على LinkedIn أنك تعمل Share لحاجات مش مفيده وكمان حاجات تكون هتضر الBrand بتاعك لآن أنت كده بتبين للناس أنك شخص مش PRO ودى بتبقى مشكله لدرجه انك ممكن تفقد مصداقيتك على LinkedIn.
عشان كده تعالوا نتكلم على أشهر أربع حاجات لاحظنا أن فى ناس كتير أوى بتعملها Share على LinkedIn:
1- Jops:
أنك تنشر فى وظايف ملهاش أى لازمه على أساس أن LinkedIn موقع توظيف وكده  بس هو مش كده مع الآسف ودى حاجه بتضرك أنت لما تقعد تنشر فى وظايف ليه أنت كده مش بتضيف حاجه للناس وبتضر الBrand بتاعك ، غير كمان أنت مش موقع توظيف عشان تقعد تنشر فى وظايف عمال على بطال 
---------------------------------------------
2- I Need a Job:
أنك تقعد تقول للناس أنا عايز وظيفه ومحدش عنده وظيفه  وتقعد تنشر ده فى الGroups اللى أنت مشترك فيها على أساس أن كده فى حد هيشغلك ، معلومه عن LinkedIn هو عمره ما بيجى كده خالص دايما LinkedIn فى مبدأ خلوه دايما فى دماغكم (أنت عندك أيه عشان أعينك عندى).
--------------------------------------------
3- CV:
أنك تقعد تنشر الCV بتاعك عليه وتبعته للناس بتوع الHR عشان حد يشغلك وتفضل تنشر فيه للناس كلها.
ودى من أكتر الحاجات الغلط لآن LinkedIn أساسا هو يعتبر الCV الPRO بتاعك أونلاين وكل حاجه المفروض تكون مضافه فيه لكن أنك تجيب الCV وتفضل تبعته للناس فدى حاجه سيئه جدا وأنت كده بتضر سمعتك قدام الناس على LinkedIn.
----------------------------------------------
4- Quotes - Jokes - IQ:
ودى بقى من أجدد الحاجات اللى لاحظناها مؤخرا تلاقى ناس كتبه حكم للناس على LinkedIn - وتلاقى ناس تانيه كتبه نكت للناس على أساس أنهم بيخشوا يفكوا عن نفسهم فى LinkedIn مثلا  - وتلاقى ناس حطه أسئله IQ على أعتبار أن LinkedIn موقع توظيف وفى ناس بقى فى شركات جامده وكلهم جامدين فى IQ واللى هيحله صح هيشتغل وده أعتقاد خاطئ جدا.

فى النهايه أنت لما بتحط الحاجات دى أنت مش بتضر حد غير الBrand بتاعك على LinkedIn ومش بتجذب الناس اللى أنت محتاجهم ليك زى (HR) مثلا فى الشركات الكبيره ، بالعكس أنت كده بتخسرهم.

اقرء المزيد

أداة تساعدك تبدأ من حيث إنتهى كل من نجح

لو نفسك تتعلم بطريقه جديده وفى نفس الوقت سهله ، وكمان تقدر تحمل الحاجه دى عندك أو تخدها تشرحها للناس على طول بره.
يبقى أنت مش محتاج غير Slideshare. 

1- أيه بقى Slideshare ده:
هو يعتبر من أفضل المواقع اللى ممكن تلاقى فيها Presentation عن أى حاجه أنت عايزها فى شكل Slides تقدر تتعلم منها أى حاجه ، وقى نفس الوقت بيكون فى منها على شكل Videos ، وأى شخص بيكون شرح بره قبل كده أو عمل Presentation يقدر يرفعها على الموقع يساعد بيها الناس وفى نفس الوقت يتعرف على الموقع أكتر.
----------------------------------------------------
2- أستخدمه أزاى:
أول ما بتخش على الHome Page فى الموقع هتلاقى مواضيع مختلفه قدامك زى مثلا Presentations عن الCareer الصح وأزاى تختاره؟ ، أو عن الMarketing أو الEduaction وهكذا.
حضرتكم بقى تقدروا تضغطوا على كلمه Explore هتلاقوها فوق جمب الSearch Bar وهى هتحولكم للمواضيع المختلفه الموجوده فى الموقع كل اللى عليك أنك تعمل Follow للموضوع لو أنت مهتم بيه عشان تجيلك أحدث الPresentation فيه 
http://www.slideshare.net/explore
--------------------------------------------------
3- فوائده:
فى كذا حاجه هنا مش حاجه واحده لآن لو جينا نتكلم من ناحيه الBrand بتاعك فهو فعلا من الحاجات المهمه جدا فى حيات الشخص وحاليا دخل فى أنه واحد من أهم المواقع اللى بتساعدك تعمل Brand قوى جدا ليك لو كنت مهتم بمجال معين مثلا وحابب تتعرف فيه (يعنى مثلا لو أديت محاضره تقدر تضيف الPresentation بتعتك على الموقع وتعرف الناس) ، ومن ناحيه تانيه فهو على الناحيه التعليميه فهو بيخليك تتعلم بطريقه جديده وفعاله جدا مع الناس وهى أنك بتدور على الPresentation اللى أنت عايزها وبتبتدى تتعلم عن طريق الSlides اللى أنت لقتها  ، غير كمان أنك تقدر تعمل Share لآى Presentation عجبتك وتفيد بيها الناس أو أنك تشيرها مثلا على LinkedIn لو ليها علاقه بمجالك عشان تتعرف أكتر فيه بكل سهوله  ، وطبعا تقدر تعمل Comment للناس على الPresentations بتعتهم وتعمل Like. 
وكل ما أنت ظهرت أكتر كل ما عدد الFollowers بيزيدوا عندك وده طبعا بيفرق معاك جدا فى البحث :(Y) 

- مؤخرا بقى Slideshare تعاقد مع موقع أسمه Haiku Deck وده أتاح للناس أنهم يقدروا يعملوا على Slideshare أى Presentation أنت عايزها بطريقه سهله جدا وفعاله وفى نفس الوقت جذابه 

اقرء المزيد

نجاحك فى سوق العمل باتباع هدفك

من أكتر الحاجات اللى ممكن تساعدك انك توصل للى أنت عايزه فى حياتك وتوصل لل Passion بتاعك بشكل اسرع بكتير انك تحط هدف لكل حاجه فى حياتك لآن وضع الاهداف ده هيشجعك دايما أنك تحقق اللى بتتمناه فى حياتك ومستقبلك ، كلنا عندنا أحلام نفسنا نحققها بس الاحلام هتفضل أحلام طول ما أنت مش مخططلها وهو ده الفرق بين الحلم والهدف :

أن الحلم هو هيفضل حلم طول ما أنت مش مخططله ، أما الهدف هو الحاجه اللى انت مخططلها فى حياتك وماشى على خطوات انت حططتها عشان توصله.

طيب تعالوا نتكلم فى كام خطوه هتساعدك فى تحقيق أهدافك :

1- Write Your Goals :

متخليش بس أهدافك فى دماغك لآ دايما أكتب أهدافك فى ورقه وخلى الورقه دى قدامك كل يوم عشان تفضل دايما متذكر وكمان بيبقى تحفيز ليك عشان توصله أسرع من الناس.

2- ASK :

حاول تتواصل مع ناس ناجحين فى مجالاتهم أتكلم معاهم وأسئلهم هما أزاى وصلوا لهدفهم وأيه الحاجات اللى وجهتهم فى حياتهم أثناء تحقيق أهدافهم ، وأسئل ايه اللى انت ممكن تعمله علشان متنحرفش عن أهدافك ، وازاى انك ممكن تركز على اللى أنت عايزه بس.

3- Say it :

متخليش بس هدفك يقف لغاية عندك بالعكس من أكتر الحاجات اللى هتساعدك توصل لهدفك أنك تعرف اللى حوليك هدفك وخصوصا لما يكون حد قريب منك وبتشوفه على طول لآنه هيبقى دايما ملاحظ التغيرات اللى بتحصل فى حياتك وهتلقيه بيسألك انت وصلت لغاية فين ، الفكره كلها أنك تعرف الناس اللى حوليك هدفك عشان ده هيخليك ملتزم قدام نفسك واللى حوليك أنك توصله.

4- Visualize it :

ودى من أجدد الطرق اللى ظهرت مؤخرا وبتساعد الناس كتير جدا هى أنك مش بس تكتب أهدافك لآ ده انت كمان أرسمها قدامك على ورقه ، عشان أنت كل ما الحاجه كانت قدامك وشايفها بعينك كل ما هتوصلها أسرع 

5- Check List :

بعد ما تحط أهدافك أعمل دايما ورقه تكتب فيها الحاجات اللى هتساعدك توصل لكل هدف وراجع عليها كل شويه وشوف أيه اللى انت وصلتله كل فتره عشان تعرف انت ايه اللى خلصته وأيه اللى لسه باقى عشان ميحصلش أى لغبطه بين هدف والتانى.

شير وفيد غيرك بالمعلومه يمكن تفرق معاه فى حياته.

#Find_Your_Passion

اقرء المزيد

التميز فى كتابة السيرة الذاتية

مع كثرة عدد الخريجين بقى فى كثرة تقديم على أى وظيفة بتبقى متاحه فى سوق العمل. والشخص الشاطر بس هو اللى بيقدر يميز نفسه فى السوق ويظهر نفسه من وسط كل الناس اللى مقدمه معاه. وأفضل طريقة تميز بيها نفسك أثناء التقديم هى الCV بتاعك. 
أو ده الآسم اللى أحنا تعرفنا عليه فى سوق العمل ودايما بنسمعه من شركات أو أشخاص. بس أحنا فى مقالتنا كنا دايما بنتكلم على الResume ومن أهم ميزاتها كالآتى:

1- صفحة واحده:
الCV دايما لما كنت بروح أحضر أيفنت عنه أو حد يكون بيشرحه، كنت بلاقى دايما الناس بتقولك أتكلم فى بأستفضاه بس أوعى يزيد معاك عن صفحتين. أما الResume بقى فهو أفضل من ده كله لآنك بتلخص خبراتك ونفسك فى صفحه واحده.

2- فيها كل حاجه ليها علاقة بالمنصب اللى أنت مقدم عليه:
الCV المتعارف عليه أنك بتحط فيه معظم الحاجات اللى أنت عملتها فى حياتك سواء (شغل أو تطوع أو كورسات) أى كانت الوظيفة اللى أنت مقدم عليها ليها علاقة بالكلام ده أو لآ. بس الResume بقى بتضيف فيها وبتحط كل كلمة ليها علاقة بالوظيفه اللى أنت مقدم عليها (خبراتك - تطوعك - كورسات - تدريبات).

3- بتجذب الآنتباه:
أى HR بيبقى قدامه CVs كتير جدا وفى منهم بيكون معدى ال3 صفحات كمان، وأكيد هو مش هيكون عنده الوقت أنه يقرأ كل الصفحات دى. عشان كده الResume بتسهل عليه الجزء ده غير أنه بيتشد ليها لآنها بتكون ملخصه كل حاجه عنك فى صفحه واحده بس 

ومن الحاجات المفيده جدا أثناء تقديمك على (شغل - تدريب - منحه) أنك مش بتبقى عارف هو الMail أتفتح ولا لسه. وده قدرنا مؤخرا نعرفه عن طريق موقع Bananatag | Email Tracking, Email Open Notifications وده ليه Application بتقدر تحملها عندك فى الChrome وبيتضاف على الMail عندك وكل مره تبعت الResume بتعتك سعتها بتعرف أذا كان الميل أتفتح ولا لآ 

اقرء المزيد

سوق العمل أساسه البراند فلا تدمره

أزاى تدمر الBrand بتاعك فى 6 خطوات:

1- Negativity:
السلبيه من الحاجات اللى بتدمر الBrand بشكل سريع جدا لآن بكل بساطه مفيش عميل هيحب انه يشتغل معاك لو كنت سلبى ومفيش شركة هتعين عندها شخص سلبى.

2- Lack Of Foucs: 
أنت مش شاطر فى كل حاجه ومفيش حاجه أسمها أبنى Brand لنفسى فى كل حاجه. لآزم الBrand بتاعك يكون مركز على حاجه واحده بس أنت بتقدمها للناس. 

3- Dishonesty:
لو وعدت عميل بحاجه يبقى لازم تنفذ وعدك معاه. متقولش فى يوم على حاجه أنك بتعرف تعملها وأنت مبتعرفش أتكلم على قد علمك.

4- Creating a fake brand:
متستخدمش الSocial Media فى أنك تظهر نفسك بشكل مش بتاعك لمجرد أنك تظهر بصورة حلوه قدام الناس. لآزم سمعتك Online تكون متفقه مع كلامك وسمعتك لما أقابلك.

5- Not knowing where you want to go:
متحولش بعمل Brand لمجرد أنك تبقى معروف وبس. حاول تخلى عندك هدف انت عايز توصله فى حياتك وكل يوم بتسعى وتطور من نفسك عشان توصله. لو معملتش كده ببساطه الBrand بتاعك هيقع مع الوقت.

6- Having a disrespectful attitude:
لو سلوكك مع العملاء مش كويس محدش هيكون حابب أنه يتعامل معاك بعد كده. خلى سلوك Professional مع الناس لآن ده أكتر شئ مطلوب فى سوق العمل مع تعاملك مع العملاء أو الشركات.

اقرء المزيد

تجنب هذه الأخطاء فى مجالك فى سوق العمل

البداية دايما فى حياتنا المهنيه بتكون أصعب حاجه، لاننا مش بنبقى عارفين الصح من الغلط وأيه الطريق السليم والنصائح اللى المفروض نلتزم بيها. من خلال تجاربنا مع شباب كتير فى بداية حياتهم المهنيه جمعنالكم الغلطات اللي الشباب بيقعوا فيها في حياتهم ومستقبلهم المهني من واقع تجاربهم وخبراتهم عشان تتجنبوها:

1- انك تضيع عمرك فى وظيفة انت مش بتحبها ولا بتفيدك بحاجة.
2- مش بيدرس نفسه كفاية ويعرفها كويس أوي.
3- بيحبط نفسه بكلام زي (أنا مش هلحق- سني أتأخر)
4- انك تختار تخصص دراستك بأنهى الاسهل عشان متتعبش نفسك.
5- بيكون تركيزه كله علي أنه يتخرج من كليته ويشتغل بشهادته، ومحدش فكر أنه ممكن يعمل أي حاجه تانيه غير كده، وهيكون مبسوط برضوا.
6- تفكرهم بيكون في أن معني السعاده في الفلوس الكتير، فبيسعوا دايما ليها. مع أنها مجرد أداه مش هدف.
7- انك تختار مجالك او شغلك على اساس الفلوس فقط مش اللى انت بتحبه.
8- تجرى ورا تجميع الشهادات والكورسات عشان بس تكتبهم فى ال C.V
9- انك متتخصصش فى حاجة معينة فى مجالك وتبقى بتاع كله.
10- بيحيط نفسه بناس مش بتجتهد وبتسعي، ودي بتفرق جدا.
11- أنك تربط حياتك بشخص، وأنت أصلا مش مؤهل لده، فمتعلقش ومتأذيش حد معاك.
12- انك تضيع سنين فى شغلانة مؤقته زى خدمة عملاء او مبيعات بعد التخرج.
13- متخدش أي كورس والسلام عشان خاطر بس واحد قالك عليه كويس، شوف أنت عايز تاخده ليه، وهل هيفيدك ولا لأ؟
14- الكل بيسعي دايما أنه يكون موظف، مع أنك ممكن تشتغل حر او تفتح شركتك الخاصة حتي لو صغيره.
15- انك تضيع سنين الجامعة من غير ما تشارك فى انشطة تطوعية وتنموية عشان تنمى مهاراتك.
16- مش بيشتغلوا علي اللغه من صغرهم، مع أنها من أهم الحاجات لسوق العمل.
17- محدش بيقرأ ويثقف نفسه صح.
18- بيخافوا من السفر، بش لو أنت مسافرتش يبقي فايتك كتير جدا جدا.
19- دور علي الValue بتعتك وحاول تضفها للناس، وأوعي تقول أنا معنديش.
20- تبطل تطور من نفسك وتتعلم عن مجالك بحجة انك اشتغلت خلاص.
21- متصدقش كلام الناس اللي بتقولك أنت ضعيف ومفيش مستقبل في مصر. هو بس بيكون بيقول الكلام ده عشان يضحك علي نفسه.
22- سر النجاح في مساعده الغير.
23- مفيش حاجه أسمها انا فاشل في حاجه أسمها انا مكنتش عارف الصح فين، متسمحش لحد يقولك يا فاشل.

النجاح مش بالساهل، لآزم تسعى وتطور من نفسك من وقت للتانى، أستثمر فى نفسك كل حاجه مفيده وطورها وعلمها كل جديد

اقرء المزيد

التسويق الشخصى فى نقاط

هدفنا الآساسى أننا ندلك على أفضل الطرق اللى تقدر تظهر وتميز نفسك بيها فى سوق العمل ونساعدك تطبق الPersonal Branding Techniques وتظهر قيمتك فى وسط المنافسه الموجوده حاليا، وعشان نوصلكم ده بأفضل الطرق الممكنة جمعنالكم أفضل النصائح اللى هتساعدك تتميز فى سوق العمل:

1- أعرف نفسك كويس جدا (مهاراتك - قدراتك - خبراتك)
2- حاول تكتشف دايما أيه اللى بيميزك عن غيرك فى السوق، أيه القيمه اللى بتقدمها.
3- أتحكم فى المحتوى اللى بتنشره أونلاين على كل الSocial Media Accounts بتعتك. 
4- خليك ملتزم فى كل شئ (مواعيدك - شغلك - كلمتك) 
5- حاول تسأل الناس دايما عن رأيهم فيك وأيه اللى أنت محتاج تشتغل عليه.
6- متقلدش حد خليك نفسك.
7- حدد أهدافك فى الحياه.
8- خلى عندك أسم واحد فى كل الSocial Media Accounts الخاصة بيك.
9- مش بكتر الAccounts اللى عندك هتتعرف أكتر، خلى أستخدامك للSocial Media للمواقع اللى محتاجها فقط.
10- خلى عندك رسالة واضحه بتحاول توصلها للناس اللى أنت مستهدفهم وبتخاطبهم.
11- خلى عندك Summary عن نفسك يكون فيه (أنجازاتك - خبراتك - مهاراتك - اللى حصلت عليه)
12- أبتسم فى وش الناس دايما.
13- ساعد على قد ما تقدر غيرك، ووصل قيمتك للناس كلها.
14- شارك الناس نجاحاتك.
15- خليك على تواصل مع الناس. 
16- حدد الTarget Audience بتوعك الناس اللى بتخاطبهم مين، وأدرسهم كويس وأتكلم معاهم عشان تقدر تحدد القيمة اللى هتقدمها.
17- خليك صادق دايما.
18- دايما أعمل Update للResume بتعتك أو الآكونت بتاعك على LinkedIn بكل جديد عملته فى حياتك المهنيه.
19- متقولش انا بتاع كله، عشان مفيش حد كده. حدد أنت شاطر فى أيه وبتساعد الناس فى أيه بالظبط.
20- تطور نفسك وأتعلم كل ما هو جديد فى مجالك وسوق العمل، وشاركه مع الناس من وقت للتانى.

اقرء المزيد

التحليل الشخصى و نجاحك فى مجالك

معظم الشركات بتستخدم طريقه معينه عشان تقدر تحدد أيه هى نقاط قوتها وأيه هى نقاط ضعفها ، مين اللى بينافسها فى السوق ، ايه الحاجات اللى ممكن تأثر على الشركه ، أزاى يقدروا يظهروا بشكل أكبر فى السوق. والطريقه دى أسمها SWOT Analysis
بس مؤخرا الموضوع ده مش بس الشركات هى اللى بقت بتستخدم الطريقه دى لآ دى بقى بيستخدمها أشخاص كمان زى.
الباحثين عن وظايف - اللى عايز يوصل أسرع فى الكاريير بتاعه - اللى عايز يبقى سعيد فى حياته كمان.

طيب تعالوا نقسم الموضوع لقسمين فى ال SWOT كالآتى (داخلى - خارجى) :
- داخلى : وده الجزء اللى بيكون بتعرف فيه عن نفسك أكتر.
- خارجى : ودى البيئه اللى حوليك وأزاى بتأثر عليك سواء للافضل أو للآسواء.

تعالوا بقى نعرف أكتر عن SWOT أيه هى بالظبط :

S = نقاط القوه ( داخلى )
W = نقاط الضعف ( داخلى )
O = الفرص المتاحه ( خارجى )
T = التهديدات ( خارجى )

تعالوا نتكلم على نقطه نقطه بالتفصيل :
1- نقاط القوه :
ودى بتساعدك تعرف نقاط قوتك ، وبتساعدك انك تظهر نفسك كمنتج منافس فى السوق بالنسبه لمنافسينك ، وكمان بتظهر تميزك عن الباقى اللى بينافسوك فى مجالك.

2- نقاط الضعف :
ودى بقى هى الحاجات اللى عندك ضعف فيها ومحتاج أنك تشتغل عليها أكتر عشان تقدر تنميها ودى فى الغالب بتكون صفات فيك بس ضعيفه شويه وبتكون محتاجها عشان تقدر توصل أسرع فى الكاريير بتاعك.

3 ، 4 :
معظم الناس كانت بتشرح الجزء ده فى أيفنتات واحده واحده بس النهارده هنشرح الاتنين بطريقه مختلفه شويه وجديده أزاى.
فكر فى التهديدات على انها الفرص المتاحه ليك ، يعنى فكر فى التهديدات الآول اللى بتواجهها فى الكاريير بتاعك يعنى فكر مثلا فى حد بينافسك فى مجالك عشان هو مثلا معاه كورس معين وأنت لآ فكده هو هيسبقك وده بيبقى تهديد ليك فكر بقى فى طرق تخليك تتغلب على ده أمثله :
- تهديد : منافس ليك بيتكلم أنجليزى كويس.
- الفرصه : أنك بسرعه لازم تتعلم أنجليزى وتكون أفضل منه كمان.
- تهديد : منافس ليك بيعرف يعرض كويس قدام الناس.
- الفرصه : أنك تدرب كويس وتروح أماكن كتير وتبتدى تعرض قدام الناس أكتر.

الفكره كلها من ال SWOT Analysis هى أنك بأفضل النتائج اللى هتخليك تكون أفضل شخص مناسب لوظيفه معينه أو لكاريير معين أنت بتحبه. يعنى لو أنت مقدم على وظيفه معينه أبتدى قارن نفسك بمتطلبات الوظيفه دى وشوف بقى ايه اللى عندك وأيه اللى نقصك وأبتدى نميه. غير كمان أن حاجه زى دى هتساعدك جدا وانت فى الانترفيو تقدر تجاوب بطريقه مزهله على السؤال اللى بيتسأل لمعظم الناس ( قلى نقاط قوتك ، نقاط ضعفك ؟؟ )

عشان كده لو أنت عايز تكون مؤهل لوظيفه أحلامك أو عايز توصل أسرع فى مجالك جرب تعمل SWOT عشان تقدر تحدد بشكل قوى أيه ؟؟ نقاط قوتك - ونقاط الضعف اللى محتاج تقويها وتشتغل عليها - التهديدات وأزاى تحولها لفرص ليك عشان تستفيد منها بشكل أقوى من غيرك اللى بينافسك.


I am Unique

اقرء المزيد

كيف تتميز فى مجالك

طيب ناس كتير مننا مش بتقدر تحدد ال Career بتعها او هى بتحب ايه ونفسها تشتغل ايه بس عمرك فكرت أن البدايه بتبتدى دايما من عندك بمعنى ، حد جرب يعرف نفسه قبل كده كلنا بنحاول نعرف الناس اللى حولينا بس مفكرناش نعرف نفسنا او تدور بنفسك جوه نفسك مع انى لو سألتك على حد قريب منك او قلتلك كلمنى عن حد انت عرفه هتقدر تقولى عنه انما لو سألتك عن نفسك او عن مهاراتك مش هتقدر تقولى حاجه ولو قلتلى هتقول حاجات بسيطه جدا ومش هتقدر تخرج كل حاجه.

طيب هو أيه أهميه ده ؟؟
عشان تبقى عارف انت مين وبتحب ايه وأيه اللى انت قوى فيه وايه اللى انت ضعيف فيه أيه اللى نقصك وانت محتاج تشتغل عليه وتزوده
يعنى كل نقطه صغيره لازم نعرفها عن نفسك من الآلف للياء.

بعض النقاط الحاجات اللى أنت المفروض تعرفها عن نفسك لآنها من اهم الحاجات اللى هتساعدك تعرف نفسك وتعرف أيه أقرب ال Careers المناسبه ليك.

- أعرف أيه Skills & Abilities بتعتك ؟؟؟
* Skills : وهى الحاجات اللى أنت أكتسبتها فى حياتك من ساعت متولدت لغايه دلوقتى. زى أنك شاطر فى Presentation
* Abilities : وهى الحاجات اللى ربنا خلقك بيها. زى أنك بتستوعب بسرعه للمعلومات.

- أعرف أيه Interests & Values بتعتك ؟؟؟
* Interests : يعنى الحاجات اللى أنت بتحبها وبتبقى مبسوط جدا وأنت بتعملها وسعيد جدا جدا بيها. زى الرسم أو التلوين
* Values : قيمك فى الحياه ، أيه هى قيمك فى الحياه. زى شخص من قيمه أنه مش بيكدب

- أعرف ايه Knowledge ؟؟
يعنى الحاجه اللى لو سألك عليها حد تقدر تفيده فيها كويس على طول وانت واثق من كلامك ومتأكد من اللى انت بتقوله.

طيب كمان فى اختبار بيساعد الناس انهم يعرفوا شخصيتهم وكمان بيحدد الكاريير بتاع كل واحد على اساس الشخصيه. بس طبعا فى معايير تانيه غير الشخصيه وألاختبار اسمه MBTI.
( Myers-Briggs Type Indicator )
وده لينك الآختبار والكتاب بالكامل بالعربى.
http://bit.ly/IamMBTI

بعد ما عرفت نفسك عايز بقى تعرف ايه المجالات اللى فى سوق العمل وايه اللى هيناسب مهاراتك وكل مجال محتاج ايه ؟؟
فى موقع اسمه onetonline.org اكتب فى السيرش بتاعه المجال اللى انت عايز تعرف عنه هيقولك بقى :
- Tasks
- Brief
- Abilities
- Skills
- Knowledge

يعنى هو بيعرفك الحاجات اللى مطلوبه لكل مجال بشكل عام وعلى مستوى العالم مش فى مصر بس ودى حاجه احلى طبعا عشان تبقى عارف حتى بره هما بيتطلبوا أيه ؟ وتضيفه انت لنفسك هنا فى مصر...بحيث انك تبقى عارف كل حاجة عن المجال اللى انت عايز تدخله.

دلوقتى بقى نيجى لخدمه مقدمها موقع Bayt وهى خدمه بتكون عباره عن انك بتحط الكاريير اللى أنت عايزه وبتبتدى تكتب فيه اى مهارات بتيجى فى بالك أنت معتقعد أنها لازم تكون فى المجال ده ، بيروح هو ظاهرلك نتايج بنسب معينه يقولك المجال ده محتاج المهاره دى بنسبه كذا وأنت بقى بتضيف المهارات اللى أنت عاوزها برحتكم عيشوا بقى وده لينك الخدمه :
http://www.bayt.com/en/career-watch/skills-demand/

طيب نيجى بقى لو أنت حبيت تقعد مع حد متخصص عشان يساعدك وكمان لو حابب تعمل أختبارات أكتر تساعدك عشان تعرف نفسك وتقدر تحدد الكاريير بتاعك. فى خدمه مقدمه من MasrT3mal Microsoft بتساعدك فى كل ده وكمان هتلاقوا حاجات أكتر هتساعدكم كتير جدا فى مستقبلكم.
وده الينك : http://masr.ta3mal.com/MainPages/planYourCareer.aspx

طبعا كل خطوه من دول معتمده عليك أنت أعتماد كلى لآن محدش ببساطه هيكون عارفك أكتر من نفسك وكمان محدش هيكون مهتم بمستقبلك أكتر منك عشان كده كل ما نفذت الخطوات دى واحده واحده هتلاقى الدنيا فرقت معاك كتير فعلا.

i am Unique

اقرء المزيد